Species around us Kuldeep Das

 

সেউজীয়া জীৱন পদ্ধতি 

 কন্দৰ্প কলিতা

 জীৱনৰ কিবা ৰং থাকেনে ? কথাষাৰ কবিতা কবিতা যেন লাগিব পাৰে , আচলতে প্ৰসংগটো অলপ বেলেগ । 

 আমি আমাৰ জীৱন কালত এই পৃথিৱীখনৰ অহৰহ ক্ষতি সাধন কৰো । প্ৰায়েই আমি এই কথা গমেই নাপাওঁ । গম পালেও নিজৰ সুখ সুবিধাৰ স্বাৰ্থত তাক আওকাণ কৰো। সমাজ , দেশ বা সমগ্র পৃথিৱীৰ মংগলৰ কথা কলে মানুহৰ মনত দুই ধৰণৰ সন্দেহৰ সৃষ্টি হয় - প্ৰথমতে ভবা হয় যে ইয়াৰ মাজত কিবা চালাকি আছে । তাৰ পিছতে এনে ভাব আহে যে - বাপৰে পৃথিৱীৰ কথা ....

 আচলতে আমাৰ দৈনন্দিন কাম কাজৰ মাজতে পৃথিৱীখনক বচোৱাৰ উপায় আছে । হয়, ৰাতিপুৱা শুই উঠাৰ পৰা ৰাতি বিচনাত পৰালৈকে কৰা সকলো কামতে এই সুবিধা পোৱা যায় । প্ৰতিটো কাম বেলেগ বেলেগ ধৰণে কৰিব পাৰি তাৰে কোনোবাটোৱে পৃথিৱীখন বচায় আৰু কোনোবাটোৱে ইয়াক ধ্বংস ৰ ফালে ঠেলি দিয়ে ।

 উদাহৰণ দিলে কথাটো স্পষ্ট হব - ৰাতিপুৱা কামলৈ যাওঁতে চাইকেলেৰে বা মটৰেৰে যোৱাৰ মাজত চাইকেলে পৃথিৱীখনৰ একো ক্ষতি নকৰে ।কিন্ত পেট্ৰল বা ডিজেল চালিত বাহনে বায়ুমণ্ডলত এঙাৰ গেচ এৰি দিয়ে । এঙাৰ গেচে বায়ুমণ্ডলৰ ওপৰভাগত থকা ওজন স্তৰৰ ক্ষতি সাধন কৰে। সিয়েই গৈ পৃথিৱীখনৰ উষ্ণতা বঢ়াই আৰু প্ৰাকৃতিক দুৰ্যোগ মাতি আনি ইয়াক ধ্বংসমুখী কৰে।

 ইয়াৰে যিটো পথ গ্ৰহণযোগ্য তাকে ইংৰাজীত green way of living বোলা হয়। অসমীয়াত আমি ইয়াক সেউজীয়া জীৱন পদ্ধতি বুলি কব পাৰো। ইয়াত সেউজীয়া ৰঙে দুটা অৰ্থ প্ৰ্কাশ কৰে- ১। সেউজীয়া প্ৰ্কৃতিৰ অনুকূল এক জীৱন পদ্ধতি ২।ট্ৰেফিক লাইটৰ সেউজীয়া ৰঙে যিদৰে বাটটো মুকলি হোৱা দেখুৱাই  সেইদৰে ,ই কোনবোৰ কাম গ্ৰহণযোগ্য বা কোনটো প্থ শুদ্ধ তাক প্ৰকাশ কৰে।

 এনে ধৰণৰ আৰু কেইটামান উদাহৰণ দিলে  যিকোনো লোকে কোনটো পথ সেউজীয়া অৰ্থাৎ পৃথিৱী তথা প্ৰকৃতিৰ বাবে ক্ষতিকৰ নহয় তাক বুজাত সহজ হব।

 ব্যক্তিগত সৰু  গাড়ীত যোৱাতকৈ বাচ বা ৰেলত যোৱা ভাল । কাৰণ এজন লোকৰ ভাগত হোৱা ইন্ধনৰ খৰছ কম হব আৰু মুঠতে এঙাৰ গেচো কমকৈ ওলাব ।

 খেতি কৰোতে ৰাসায়নিক সাৰ আৰু কীটনাশক ব্যৱহাৰ নকৰি জৈৱিক পদ্ধতি অৱলম্বন কৰা , যিয়ে বায়ু,  পানী আৰু মাটি ক প্ৰদূষণ ৰ পৰা ৰক্ষা কৰিব পাৰে ।

দৈনন্দিন জীৱনত পানী, খাদ্য আৰু বিজুলী শক্তি যিমান পাৰি কমকৈ খৰছ কৰিব লাগে অপচয় ৰোধ কৰিব লাগে ।

 কোনো  সামগ্ৰী পুৰণি হলেও তাক পুনৰ ব্যৱহাৰ কৰিব পাৰি নেকি চাব লাগে । প্লাষ্টিক, ধাতুৰ পুৰণি সামগ্ৰী গলাই নতুন কৰিব পাৰি (Recycle)। এনে কৰিবলৈ হলে আমি পেলনীয়া সামগ্ৰীৰ মাজৰ পৰা এইবোৰ পৃথক কৰি ৰাখিব লাগিব । ভঙা চিঙা বস্তুৰ ব্যৱসায় কৰা সকলে এনেদৰে পৃথিৱীখন বচোৱাৰ বেলিকা ডাঙৰ ভূমিকা পালন কৰে ।

ধোৱা অৰ্থাৎ কাৰ্বন  নি:সৰণ কৰা যি কোনো ধৰণৰ যন্ত্ৰই  বায়ুমণ্ডলৰ ক্ষতি কৰে। এইবোৰ যিমান পাৰি এৰাই চলাটো পৃথিৱীৰ বাবে মংগলজনক কিন্তু আধুনিক জীৱন যাত্ৰাত অতি কঠিন। সেয়েহে বিজ্ঞনী সকলে গাড়ী মটৰ আদি সকলো যন্ত্ৰৰে উন্ন্তি সাধন কৰি ধোৱা ওলোৱাটো কমাবলৈ চেষ্টা কৰিছে।

 উদ্ভিদ  আৰু বনৰীয়া   প্ৰাণীয়ে প্ৰাকৃতিক ভাৰসাম্য ৰক্ষাত সহায় কৰে। সেয়েহে তাক সুৰক্ষা দিয়া সকলো কামে জীৱনৰ সেউজীয়া কাম। গছ কটা অৰণ্য ধ্বংস কৰাটো ভুল তেনেকৈ যিকোনো গছ লাগিলে অলাগী অকাঠি জংঘলে হওক ৰুব লাগে।

 অৰ্থাৎ আমি সাধাৰণতে সৰু কাম বুলি ভবা কামেও পৃথিৱীখন ৰক্ষাৰ ক্ষেত্রত সহায়ক হব পাৰে । দৈনন্দিন কামৰ বেলিকা আমি প্ৰত্যেকে পৃথিৱীখনৰ বাবে তুলনামূলকভাৱে কম ক্ষতিকৰ পদ্ধতি এটা গ্ৰহণ কৰি লোৱাটোৱে আমাৰ সকলোৰে লক্ষ্য হোৱা উচিত ।